Заразените пациенти биле негативни на тестот за КОВИД и грип, а лекарите наводно ја пишуваат дијагнозата како „акутна инфекција на горниот респираторен тракт од неодредено потекло“.
Мистериозна инфекција изби во Русија, поради која пациентите кашлаат крв и имаат високи температури. Болеста започнува со симптоми слични на КОВИД, како што се слабост или болка во мускулите. Меѓутоа, во рок од пет дена кај пациентите се јавува температура од 39 степени, а потоа почнуваат да кашлаат крв.
Објавите на Телеграм велат дека случаи се пријавени во повеќе градови, но официјалните лица не потврдија колку случаи се регистрирани. Покрај тоа, руските здравствени власти го негираа постоењето на епидемија, велејќи дека не нашле докази за нов или неидентификуван вирус кој циркулира во земјата, пренесува Дневник.хр.
Заразените пациенти биле негативни на тестот за КОВИД и грип, а лекарите наводно ја пишуваат дијагнозата како „акутна инфекција на горниот респираторен тракт од неодредено потекло“, пишува Дејли Мејл.
Жена која се претставила како Александра објавила на Telegram дека е заразена со мистериозен вирус.
„Во Русија се појави непознат вирус. Заразените со недели страдаат од висока температура и кашлаат крв, а тестовите за КОВИД и грип се негативни. Симптомите на пациентите се исти: сè започнува со вообичаената болка и слабост, но по неколку дена е невозможно да станете од креветот. Температурата се искачува до 39, а сè е проследено со кашлица.
Рекла дека по една недела пиење антибиотици се уште кашла, а петтиот ден забележала крв. Таа напиша и дека лекарите и рекле дека примаат многу пациенти заразени со „чуден вирус“. Но, според некои размислувања, може да се работи за пневмонија предизвикана од микроплазма.
