Министерот ќе го чека исходот од преговорите на пратениците за локалните избори

Министерот за здравство Арбен Таравари и член на Коалицијата Вреди ги демантираше гласините дека ќе ја напушти владината коалиција. Во изјава за медиумите синоќа, тој порача дека преговорите сè уште траат и дека ќе се бара заедничко решение.

– Не, засега не. Работните групи меѓу пратениците сè уште водат преговори, така што се надеваме дека ќе најдеме заеднички јазик. Ако не, тогаш ќе видиме како понатаму – изјави Таравари.

Во меѓувреме, пратеничката група на Вреди работи на стратегија за настап на локалните избори. Од коалицијата потврдуваат дека се одржала средба за ова прашање и дека се договараат финалните детали, по што ќе следи официјален став од лидерите.

- Advertisement -

Во изминатите денови, Таравари јавно призна дека постојат несогласувања во рамките на Коалицијата Вреди во однос на локалните избори.