Раководството на Милан се надева дека ветеранот Лука Модриќ ќе ја стабилизира соблекувалната на тимот со своето искуство и влијание.
Спортскиот директор на миланскиот гигант, Игли Таре, потврди дека се очекува Модриќ да има клучна лидерска улога по неговото доаѓање од Реал Мадрид. Тој додаде дека клубот бара и повеќе играчи од средниот ред за да го засили тимот за следната сезона.
– Лука е важна фигура во светот на фудбалот. Имав можност лично да разговарам со него и видов играч кој сака да биде конкурентен. Неговото доведување ќе биде фундаментално, бидејќи на тимот му е потребен играч од ваков калибар. Нема да биде само тој, туку едно или две нови засилувања кои ќе бидат дел од кругот на искусни играчи. Мора да го направиме вистинскиот избор и да ги добиеме играчите што ни се потребни. Сакаме да ја подобриме класата и перформансите на тимот – изјави Таре.
Лука Модриќ (39) ќе му се придружи на Милан како слободен агент откако ќе заврши учеството на Реал Мадрид на Светското клупско првенство.
