Охрид – Полицијата во Охрид денеска во 10 часот лиши од слобода 16-годишен момче од Охрид под сомнение за сексуално насилство врз 12-годишно девојче.
Според информациите од СВР Охрид, инцидентот се случил на 12 ноември оваа година, кога малолетникот наводно извршил обљуба врз девојчето, додека друг малолетник го снимал чинот.
Случајот добил дополнителна димензија кога видео материјалот дошол до 14-годишен момче, исто така од Охрид, кој почнал да ја уценува жртвата. Тој барал девојчето да биде со него, закануваќи се дека во спротивно ќе го објави видеото.
Полицијата моментално презема мерки за пронаоѓање и на овој малолетник.
Врз малолетничката е извршен медицински преглед, а полициски службеници и претставници на Центарот за социјални работи Охрид извршија службен разговор со неа во присуство на родител.
По целосно документирање на настанот, во консултација со јавен обвинител, против сторителите ќе бидат поднесени соодветни кривични пријави.
