Лавров: Русија е подготвена да склучи договор за прекин на војната во Украина

Рускиот министер за надворешни работи Сергеј Лавров изјави денес дека Русија е „подготвена“ да постигне договор за прекин на војната во Украина.

Американскиот претседател Доналд Трамп „зборува за договор и ние сме подготвени да го постигнеме, но некои специфични елементи сè уште треба да се разработат“, рече Лавров во интервју за американската телевизиска мрежа Си-Би-Ес.

Лавров додаде дека постојат неколку знаци што покажуваат дека се движи во вистинската насока.

- Advertisement -

Преговорите за завршување на војната во Украина наидуваат на пречки како што е решавањето на прашањето за статусот на црноморскиот полуостров Крим.

На прашањето за новиот бран напади врз Украина, во кои загинаа најмалку 12 лица во Киев, а десетици беа повредени, Лавров одговори дека Русија ги таргетира „само воените цели или цивилните локации што ги користи војската“.