Израелското воено радио денеска објави дека, согласно постигнатиот договор за Газа, ќе бидат ослободени 11 затвореници од редовите на Хамас, а не од Фатах, како што било првично предвидено.
Според достапните информации, измената на списокот на ослободените била направена во последен момент.
Воен портпарол потврди дека прекинот на огнот меѓу Израел и палестинското исламистичко движење Хамас стапи во сила денеска напладне.
Договорот е прва фаза од мировниот план предложен од американскиот претседател Доналд Трамп и предвидува ослободување на сите израелски заложници, како и повлекување на израелските сили до заеднички договорена линија во Газа.
Израел, според договорот, ќе ослободи околу 250 Палестинци осудени на доживотен затвор и приближно 1.700 лица притворени по нападот на Хамас пред две години со кој формално беше означен почетокот на конфликтот.
