Идните младенци се сместија во хотел каде ноќевање чини 10.000 евра

Основачот на „Амазон“, Џеф Безос, и неговата свршеница Лорен Санчез, пристигнаа во Венеција во средата пред нивните раскошни повеќедневни свадбени прослави во италијанскиот град.

Безос (61) и Санчез (55) слетаа со приватен хеликоптер, објавуваат италијанските медиуми.

Венчавката е закажана за петок на еден од многуте острови во венецијанската лагуна. Се очекуваат околу 200 гости, вклучувајќи познати личности од светот на бизнисот и забавата.

- Advertisement -

Од безбедносни причини, програмата наводно е променета во последен момент. Безос, чие богатство „Форбс“ го проценува на 220 милијарди долари, мораше да се откаже од доаѓањето со својата приватна суперјахта.

Со зголемена безбедност низ цела Европа поради кризата на Блискиот Исток, Венеција е исто така во состојба на висока готовност. Покрај тоа, беа најавени и протести против свадбата.

Според извештаите на медиумите, Безос и Санчез ќе престојуваат во хотел со пет ѕвездички на Големиот канал во деновите пред церемонијата.

Тие биле видени како влегуваат во луксузниот хотел „Аман“, каде што ноќевањето може да надмине 10.000 евра.