Германија: Нема да учествуваме во воени напади врз Иран

Топ Вести - Слушај сега

Германија нема да учествува во воени напади врз Иран, изјави во понеделник германскиот министер за надворешни работи Јохан Вадефул.

- Advertisement -

„Германската влада нема намера да учествува во американските и израелските напади врз Иран“, изјави Јохан Вадефул (Христијанско-демократска унија ЦДУ) во интервју за јавниот сервис Дојчландфунк.

Тој истакна дека Велика Британија има бази во регионот што им ги ставила на располагање на САД, но дека тоа не е случај со Германија.

„Ние исто така немаме соодветни воени ресурси и затоа Германија дефинитивно нема намера воено да се вклучи во овој конфликт“, рече Вадефул.

Тој рече дека постои можност војниците на Бундесверот стационирани во Јордан, Ирак и Либан „одбранбено да се бранат“ во случај на напад.

„Тајмс оф Израел“: Германија ќе се придружи на нападите
Сепак, „Тајмс оф Израел“ исто така објави дека Германија изразила подготвеност да се придружи на „американско-израелската кампања“ против Иран.

„Германија сериозно размислува да се придружи на нападите доколку Иран не ги запре нападите врз земјите во регионот“, објави израелското воено радио, повикувајќи се на „политички и воени извори“ во Германија.

Според истите извори, повикувајќи се на Министерството за надворешни работи и комисијата за надворешна политика на Бундестагот, веќе постојат планови за можно учество во бомбардирањето, како и за воздушна поддршка.

Германската амбасада во Израел не одговори на барањето од „Тајмс оф Израел“.