Два нови силни земјотреси во Турција

Според Турската агенција за управување со катастрофи и вонредни состојби (AFAD), по земјотресот со магнитуда од 4,5 степени регистриран во Кутахја на западот од земјата наутро, во 10:20 часот се случил втор земјотрес.

Вториот земјотрес бил со јачина од 4,6 степени.

Земјотресот, кој се случи на длабочина од 12 километри, предизвика паника, а училиштата беа затворени еден ден во округот Симава и околните села.

- Advertisement -

Земјотресот бил почувствуван и во околните провинции.

Во соопштението на „AFAD“ се наведува дека досега нема негативни извештаи по земјотресот и дека работата за испитување на областа е во тек.

Земјотресите го погодија Кутахја само два дена по силниот земјотрес со магнитуда од 6,2 степени и над 180 последователни потреси што го погодија 40 километри југозападно од Истанбул на 23 април, кога најмалку 236 лица беа згрижени поради повреди што ги здобиле додека се обидувале да скокаат од згради или од напади на паника.