Договорен е траен прекин на огнот, се огласи и Трамп

Индија и Пакистан се согласија за целосен прекин на огнот, по разговорите со посредство на САД, рече денеска американскиот претседател Доналд Трамп.

„По долга ноќ разговори со посредство на САД, со задоволство објавувам дека Индија и Пакистан се согласија за целосен прекин на огнот веднаш. Им честитам на двете земји за користењето на здрав разум и големата интелигенција“, објави Трамп на мрежата Трут Соушл.

Пакистанскиот министер за одбрана Хаваџа Асиф претходно изјави дека се воспоставени контакти со Индија и дека САД и Саудиска Арабија имаат посредничка улога во смирувањето на тензиите.