Нобеловата награда за економија им беше доделена на Џоел Мокир, Филип Агион и Питер Ховит „за нивното објаснување за економскиот раст управуван од иновации“, при што едната половина му припадна на Мокир „за идентификување на предусловите за одржлив раст преку технолошки напредок“, а другата половина заеднички на Агион и Ховит „за нивната теорија за одржлив раст преку креативно уништување“.
За потсетување, Нобеловата награда за економија за 2024 година им беше доделена на Американците Дарон Аџемоглу, Сајмон Џонсон и Џејмс А. Робинсон, за нивните студии за тоа како се формираат институциите и влијаат врз просперитетот.
Наградата на Шведската банка за економски науки во спомен на Алфред Нобел е награда што се доделува годишно за извонредни интелектуални придонеси во областа на економијата.
Оваа награда ја воспостави Шведската банка, најстарата централна банка во светот, на 300-годишнината од нејзиното основање во 1968 година.
Претходната година, во 2023 година, наградата ѝ беше доделена на Клаудија Голдин за унапредување на разбирањето на резултатите на пазарот на трудот кај жените.
Најмладата добитничка на наградата е Естер Дуфло за нејзиниот експериментален пристап кон ублажување на глобалната сиромаштија. Таа ја доби престижната награда во 2019 година на 46-годишна возраст.
Најстариот добитник на Нобеловата награда за економија е Леонид Хирвиц за поставување на темелите на теоријата на конструктивни механизми во 2007 година. Тој во тоа време имаше 90 години.
