Џенифер Лопез е новото лице на компанијата за накит Zen Diamond.
Четири пати разведената дива добива 10 милиони долари за турскиот бренд, изјави извор за Page Six. Сепак, тоа се смета за договор за спонзорство со ниска бројка за суперѕвездата.
– Таа претходно има склучено многу поголеми зделки. Лесно добила 20, 30, па дури и 50 милиони долари за спонзорства. Затоа бев шокиран – вели изворот, додавајќи: „Тоа е малку за Џеј Ло.“
Позирајќи во бела венчаница со отворени рамена и веренички прстен на домалиот прст, пејачката е новиот глобален амбасадор на брендот, кој таа го претставува во неговите најнови рекламни кампањи за Црн петок.
Во реалниот живот, Лопез е сама по разводот од Бен Афлек во 2024 година.
– Таа сака да остане во вестите. Трча по својата младост. Таа не е од оние луѓе кои очајно сакаат пари. Мислам дека Џеј Ло е во фаза каде што прави сè што може за да остане релевантна – шпекулира извор.
Всушност, суперѕвездата родена во Бронкс отвора нови патеки. Неодамна настапи за првпат во Индија, на свадба на милијардер, каде што наводно заработила 2 милиони долари.
Претседателот на Zen Diamond, Емил Гузелис, изјави: „Џенифер Лопез е повеќе од меѓународна икона; таа претставува моќ, автентичност и безвременска убавина“.
Лопез поднесе барање за развод од 53-годишниот Афлек во август 2024 година, две години откако се венчаа во Лас Вегас. Афлек ѝ предложи брак на Лопез со веренички прстен со зелен дијамант.
Кога почнаа да се забавуваат во 2021 година, тоа беше повторно разгорување на нивната романса откако првично се забавуваа и се свршија кога двајцата беа на врвот на своите кариери во раните 2000-ти.
Афлек првпат ѝ предложи брак на својата колешка во 2002 година, со 6,1-каратен, брилијантен розов дијамант од Хари Винстон, чија вредност се проценува помеѓу 1,2 милиони и 2,5 милиони долари.
За жал, тие се разделија во 2004 година, а Лопез наводно го задржала прстенот, на кој бил врежан зборот „sing“. Пред да се омажи за Афлек, Лопез била свршена со поранешниот њујоршки Јенки Алекс Родригез, со кого почнала да се забавува во март 2017 година.
A-Rod ѝ предложи брак во март 2019 година – со 15-каратен дијамантски прстен со смарагд. Двојката се раздели во 2021 година.
Првиот брак на Лопез беше со кубанскиот актер и продуцент Оџани Ноа (51) во 1997 година. Тие се разведоа една година подоцна, а пејачката се премажи во 2001 година со танчерот и актер Крис Џад (56), од кого се разведе во 2003 година.
Лопез се заљуби во Марк Ентони – таткото на нивните сега 17-годишни близнаци, Ема и Макс – во 2004 година. Тие беа во брак 10 години пред да се разделат во 2014 година.
