Дембеле е повреден, времето истекува

Париз го чека реваншот од Лигата на Шампионите со Арсенал, но облаци на неизвесност се надвиснаа над „Паркот на принцовите“. Иако ПСЖ влегува со минимална предност од 1-0, можеби ќе мора да се соочи со лондончаните без својот највпечатлив играч – Усман Дембеле.

Херојот од првиот натпревар, единствениот стрелец на стадионот „Емирати“, се здоби со повреда на задната ложа и беше принуден да го напушти теренот во второто полувреме. Медицинските прегледи покажале дека повредата не е сериозна, но ризикот Дембеле да не биде во составот за реваншот сè уште постои.
Тој сезонава блеска во Лигата на шампионите. На 13 натпревари постигна осум голови и имаше три асистенции. Секоја бројка сведочи за неговото значење, а секој ден без него ја зголемува вознемиреноста кај навивачите на „Светците“.

Реваншот помеѓу Пари Сен Жермен и Арсенал во полуфиналето на Лигата на шампионите ќе се одигра во среда, на 7 мај 2025 година, на стадионот „Паркот на принцовите“ во Париз.