Д-р Трајановски: Среќен Светски ден на наставникот!

Изјава за медиуми, д-р Александар Трајановски, кандидат за градоначалник на општина Аеродром

Почитувани наставници,

Денес, на 5 октомври – Светскиот ден на наставникот, со искрена благодарност и почит им упатувам честитки на сите наставници кои секојдневно ја извршуваат најважната мисија – да ги воспитуваат и образуваат генерациите на иднината.

- Advertisement -

Наставничката професија е повеќе од работа. Таа подразбира посветеност, креативност и инспирација.

Мојата визија за Аеродром подразбира признание и поддршка за трудот на наставниците, преку:

Подобри услови за настава во училиштата, затоа што секој наставник заслужува современа и достоинствена работна средина, а секое дете – еднаква шанса за квалитетно образование.

Обезбедување на современи наставни материјали и нагледни средства, кои ќе ја олеснат работата на наставникот привлекувајќи поголем интерес кај учениците.

Континуирани обуки и усовршување, за наставниците да бидат подготвени за современите предизвици во образованието.

Повисоки награди и поддршка за најдобрите наставници, со цел наставниците да бидат мотивирани за постигнување на уште подобри резултати.

Поттикнување на истражувања, проекти и иновации, за училиштата во Аеродром да станат современи центри на знаење.

Драги наставници, вие сте тие што ги обликувате генерациите кои ќе го носат развојот на целото општество. Како иден градоначалник, преземам обврска да бидам ваш партнер и поддржувач, а вашиот труд ќе биде ценет и почитуван. Среќен Светски ден на наставникот!