Британскиот парламент моментално разгледува закон за овластувањата на локалните самоуправи, врз основа на кој градоначалникот на Лондон, Садик Кан, би можел да воведе туристички данок во британскиот главен град

Британскиот парламент моментално разгледува закон за овластувањата на локалните самоуправи, врз основа на кој градоначалникот на Лондон, Садик Кан, би можел да воведе туристички данок во британскиот главен град, објави денес Би-Би-Си.

Градоначалникот постојано повикува на такви овластувања, а се проценува дека таксите би му донеле на Лондон до 240 милиони фунти годишно. Во 2024 година, во британскиот главен град биле реализирани 89 милиони ноќевања од туристи.

Англија моментално е единствената земја во групата Г7 каде што националната влада ги спречува локалните власти, или градоначалниците, да наметнуваат туристички такси.

- Advertisement -

Шкотска и Велс неодамна воведоа различни видови такси за странски посетители, при што велшките власти им наплаќаат на туристите 1,30 фунти по ноќ од следната година.

Градот Лондон неодамна го ангажираше Центарот за градови, организација на тинк-тенк, да развие план за спроведување на даноци во главниот град.

Авторите на планот изјавија дека туристичкиот данок, доколку ефикасно се примени, ќе го зајакне економскиот раст и ќе ја подобри инфраструктурата и деловната средина во Лондон, како и нема да доведе до намалување на бројот на гости.

– Данокот би донел придобивки за економијата на главниот град, под услов приходите од него да одат во локалната самоуправа – рече директорот на Центарот за градови, Ендру Картер.

Кејт Николс, службеник во органот за надзор на туристичката индустрија „UK Hospitality“, сепак рече дека идејата за воведување на данокот е шокантна и дека би имала големи последици за британските семејства кои работат напорно, а потоа доаѓаат во Лондон на краток одмор, како и дека би ги одвраќала посетителите од главниот град.

– Нашите потрошувачи веќе плаќаат највисоки такси и даноци, а ако наплаќаме за посета на Лондон, тогаш би ја лишиле економијата на главниот град од работни места, раст и инвестиции – рече таа.