Армани ја претставува последната колекција на покојниот моден гигант

Италијанската луксузна модна куќа ја претстави колекцијата пролет/лето 2026, последната во која учествуваше покојниот Џорџо Армани.

Италијанската модна куќа Џорџо Армани ја претстави последната колекција во која покојниот дизајнер и основач на куќата лично учествуваше во неделата во Музејот на уметност Брера во центарот на Милано.

Армани, кој беше познат во светот на модата како „Кралот Џорџо“, почина претходно овој месец на 91-годишна возраст.

- Advertisement -

Модната ревија, која првично беше замислена како прослава на 50-годишнината од модната куќа, на тој начин беше трансформирана во почит кон покојниот дизајнер, пишува порталот N1 БиХ.

Настанот привлече голем број познати личности, вклучувајќи ги актерите Ричард Гир и Кејт Бланшет.

Моделите одеа под аркадите на манастирот на уметничкиот музеј во лежерни облеки, придружени со жива пијано музика изведена од италијанскиот композитор Лудовико Еинауди.

Колекцијата, чија палета на бои се движеше од сива до темно сина и темно зелена, беше насловена „Пантелерија, Милано“, што се однесува на две од омилените локации на дизајнерот, според Ројтерс.