Апостолос Везиропулос, поранешен заменик-министер за финансии на Грција и актуелен секретар на пратеничката група на Нова демократија, почина на 59-годишна возраст, откако доживеал срцев удар на плажа на Халкидики, во близина на Неос Николаос.
На Везиропулос одеднаш му се слошило, по што паднал во бесознание. Неговите роднини веднаш повикале брза помош, и бил префрлен во Здравствениот дом „Агиос Николас“, но лекарите не успеаја да го спасат.
Апостолос Везиропулос беше пратеник од Иматија, а од 4 април 2025 година ја извршуваше функцијата генерален секретар на пратеничката група на Нова демократија.
Од 29 август 2023 година до март 2025 година, тој беше претседател на Постојаната комисија за економски прашања на Парламентот.
Од јули 2019 до јуни 2023 година, тој беше заменик-министер за финансии, задолжен за даночна политика и прашања поврзани со јавниот имот во владата на Киријакос Мицотакис, објавија грчките медиуми.
Грчкиот премиер Кирјакос Мицотакис беше многу потресен од веста за смртта на неговиот колега.
– Бев шокиран откако дознав за ненадејната смрт на Апостолос Везиропулос. Вреден колега и сакан политичар кој ѝ служеше на партијата, на својата татковина и на својата земја многу години. Искрено сочувство до неговата сакана сопруга и до неговите деца – рече Мицотакис на својот официјален профил на Икс.
