Дејв Кулиер (66) повторно се бори со рак. Дијагностициран му е рак на јазикот во рана фаза. Актерот дознал за новата состојба за време на рутински преглед во октомври. Лекарите го откриле туморот во рана фаза по неколку биопсии.
Кулиер зборуваше во американската програма „Today“ за шокот од добивањето на дијагнозата и објасни дека тоа не е поврзано со неговиот претходен рак.
– Поминување низ хемотерапија, а потоа чувство на олеснување дека е завршено – а потоа добивање на резултатите дека сега имате различен вид рак… Ова е шок за системот – рече тој. Според неговите лекари, ракот може да биде резултат на ХПВ инфекција што се случила пред 30 години.
Кулиер го должи откривањето на туморот на редовните прегледи по неговиот прв рак.
ПЕТ скенирањето покажало абнормалност на неговиот јазик, иако дотогаш немал никакви симптоми.
– Лудо е: мојот прв рак ми помогна да го пронајдам вториот рак – објасни актерот.
Кулиер моментално е на интензивен третман со 35 третмани со зрачење, кои се очекува да траат до крајот на годината. Прогнозата за излекување е 90 проценти, што му дава надеж.
– Многу е различно од хемотерапијата. Не е толку агресивна, но сепак има несакани ефекти – рече тој. Тие вклучуваат гадење и болка на местото на операцијата на јазикот.
Новата дијагноза на Кулиер доаѓа по веќе стресна година. Во октомври 2024 година, му беше дијагностициран не-Хочкинов лимфом во стадиум 3.
– Многу агресивно – ја опиша болеста во тоа време за американското списание „People“.
За среќа, неговата коскена срцевина беше поштедена, што ги зголеми неговите шанси за закрепнување. Две недели по дијагнозата, тој започна со хемотерапија, која успешно ја заврши во март.
– Дејв нема рак! – објави неговата колешка Кендис на Инстаграм во тоа време.
Во својот подкаст „Full House Rewind“, Кулиер зборуваше за видовите третмани:
– Несаканите ефекти имаат несакани ефекти – а потоа земате лекови за да ги неутрализирате.
Тој го спореди процесот со внатрешната борба на неговото тело: Тоа е постојан коктел од телото кое е во режим на борба или бегство“.
Последните неколку месеци го променија животот на актерот засекогаш.
– Емоционално е. Ментално е исцрпувачки. Исто така е огромен товар за мојата сопруга, Мелиса, што е најтешко за мене бидејќи гледам колку страда поради тоа – рече Кулиер во едно интервју.
И покрај сè, тој останува оптимист: Ќе го пребродам ова.
Актерот се потпира на вежбање и здрава исхрана и сака да ги охрабри другите заболени:
– Лошо е да имаш рак, но тоа е одлична позиција во која сфаќаш дека имаш глас кој всушност може да спаси нечиј живот.
