Жариштето во Николиќ е под контрола, пожарот во Чучер Сандево изгаснат

Пожарот кај дојранското село Николиќ кој неколку дена гореше е ставен под контрола, додека целосно е изгаснат пожарот во Чучер Сандево која исто така со денови беше активен, информираат денеска, 16 јули, од Центарот за управување со кризи.

– Во моментов на територијата на државата активни се 3 пожари и тоа во Велес, кај селата Џидимирци, Крушје и Иванковци, каде гори мешана шума, потоа во Македонски Брод, каде гори дабова шума меѓу селата Црешнево, Локвица и Крапа и кај село Нивичино во Општина Василево каде гори нискостеблеста шума – изјави Надица Вчкова во име на ЦУК.

Согласно планот на главниот штаб на за управување со кризи на ЦУК, денеска се ангажирани 2 пинцгауери, 2 ер-трактори на Дирекцијата за заштита и спасување кај Крушје и Иванковци. Исто така таму се ангажирани и 30 припадници на армијата.

- Advertisement -

Во гаснење на пожарот над струмичко Нивичино на копнените сили напомош им е воздухопловот на Министерството за внатрешни работи.