Индустриското производство во февруари годинава во однос на февруари минатата година бележи пад од 0,8%, а пораст од 0,2% во првите два месеца од годинава во однос на истиот период од 2025 година, објави денеска Државниот завод за статистика.
Гледано по сектори, индустриското производство во секторот „рударство и вадење на камен“ во февруари 2025 година, во однос на февруари 2024 година, бележи опаѓање од 4,4%, исто така опаѓање од 7,7“ во секторот „снабдување со електрична енергија, гас, пареа и климатизација“. Пораст од 1,7% има во секторот „преработувачка индустрија“.
Растот во преработувачка индустрија е резултат, пред сѐ, на зголеменото производство во одделите: Производство на тутунски производи, Производство на облека, Печатење и продукција на снимени медиуми (записи), Производство на основни фармацевтски производи и фармацевтски препарати, Производство на производи од гума и производи од пластични маси, Производство на други неметални минерални производи, Производство на метали, Производство на електрична опрема и во Производство на мебел.
Според главните индустриски групи, производството во февруари 2025 година, во однос на февруари 2024 година, бележи раст кај Интермедијарни производи, освен енергија за 11,7%, Трајни производи за широка потрошувачка за 13,2% и Нетрајни производи за широка потрошувачка за 1,9%, додека опаѓање бележи кај Енергија за 8,3% и Капитални производи за 12,1 %.
