За 6 месеци е намалена казната затвор за Гордана Филиповиќ, која на 26 јануари 2022 година го прегази Слободан Ангеловски на пешачки пермин во Скопје, во повтореното судење за случајот

Топ Вести - Слушај сега

За 6 месеци е намалена казната затвор за Гордана Филиповиќ, која на 26 јануари 2022 година го прегази Слободан Ангеловски на пешачки пермин во Скопје, во повтореното судење за случајот.

- Advertisement -

Предметот се судеше по вторпат откако Апелацискиот суд ја укина претходната пресуда. Со првата пресуда Филиповиќ беше осудена на три години затвор, а со новата одлука казната е намалена на две години и шест месеци.

Синот на загинатиот пешак, Столе Ангеловски, за порталот Курир изрази силно незадоволство од пресудата и оцени дека казната е премногу ниска.

-Максимално сум разочаран од судството во Македонија. Две години и шест месеци за обвинетата која направила сериозни прекршоци – брзо возење и незастанување на пешачки. Судството не е на два процента, туку е на минус 20 проценти. Ова е шокантна и некоректна пресуда – изјави Ангеловски.

Тој се надева дека Јавното обвинителство ќе ја обжали оваа пресуда.