Времето за празниците ќе биде променливо

Времето во петок, 10 април, ќе биде променливо облачно со сончеви периоди во текот на денот. Ќе дува слаб до умерен северозападен ветер.

Во Скопје ќе биде променливо облачно. Ќе дува слаб до умерен ветер од северозападен правец.

Температурите ќе бидат во интервал од -3 до 19 степени.

- Advertisement -

Следува период на променливо облачно време со сончеви периоди во текот на денот. В петок и в сабота утринската температура наместа ќе се спушти под нула и ќе има појава на утрински мразеви. Ќе дува умерен повремено засилен северозападен ветер, поизразен долж Повардарието.

Од сабота ќе дува југоисточен ветер кој во понеделник и вторник ќе достигнува брзина од 60 km/h. Во петок ноќта кон сабота ќе има услови за слаби врнежи од дожд. Во вторник во западните делови и во среда на повеќе места ќе има локален дожд и појава на грмежи.