Возач со автомобил удри две лекарки во српскиот град Нови Сад за време на протест во поддршка на студентите.
Досега се случија повеќе вакви инциденти на протестите во Србија.
На објавеното видео на социјалните мрежи се гледа како автомобил минува преку нозете на жена која стои на една од главните улици во градот.
Инцидентот се случи додека демонстрантите оддаваа почит на 15-те жртви од трагедијата на железничката станица во Нови Сад. Пред три месеци се урна бетонскиот покрив над влезот, при што загинаа 15 луѓе, а двајца тешко повредени сè уште се лекуваат во Клиничкиот центар на Војводина.
Една од повредените лекарки е примена во ургентниот центар на дијагностика поради повреди на главата.
Возачот го сопреа насобраните демонстранти.
По наредба на дежурниот јавен обвинител на возаќот му е одреден притвор до 48 часа, поради сомнение дека сторил кривично дело тешко убиство во обид.
