Во Мексико откриени 42 вреќи со човечки останки

Герерос Бускадорес, група за пребарување на исчезнати лица, соопшти дека открила 42 вреќи со човечки останки на имот во западната мексиканска држава Халиско, која има најголем број исчезнати лица.

Само неколку дена пред откривањето на вреќите, на крајот на јуни, телата беа идентификувани во истата тајна масовна гробница што беше откриена во февруари оваа година, објавува Ле Фигаро.

Халиско е познат како дом на картелот „Нова генерација Халиско“ (CJNG), кој годинава беше прогласен за „странска терористичка организација“ од администрацијата на американскиот претседател Доналд Трамп.

- Advertisement -

Картелот, заедно со картелот Синалоа, е главен играч во трговијата со фентанил, синтетичка дрога која е одговорна за илјадници смртни случаи од предозирање во Соединетите Американски Држави.

Мексико има регистрирано повеќе од 127.000 исчезнати лица од 2006 година, кога федералната влада започна воена операција против дрогата.

Според локалното обвинителство, до 31 мај, само во Халиско има регистрирано 15.683 исчезнувања.

Истражителите ги припишуваат исчезнувањата на организирани криминални групи, кои често ги закопуваат или кремираат своите жртви во тајност.

Во март, роднините на исчезнатите пронајдоа чевли и облека на напуштен ранч во Теучитлан, западно од Гвадалахара.

Десет членови на мексикански нарко картел беа осудени на по 141 година затвор за убиство и киднапирање во Халиско минатиот вторник.