Во изминатите шест квартали во Република Македонија се креирани околу 18.000 нови работни места

Топ Вести - Слушај сега

Во изминатите шест квартали во Република Македонија се креирани околу 18.000 нови работни места.Бројот на вработени порасна од околу 691.000 на над 709.000 граѓани кои денеска се во работен однос.Ова е јасен показател дека економските политики даваат резултат и дека економскиот раст се претвора во реални можности за работа и подобар стандард за граѓаните, изјави денеска Бојан Стојановски, пратеник од владејачката ВМРО-ДПМНЕ.

- Advertisement -

тој вели дека овие позитивни трендови не се случајни.

-Тие се резултат и на инвестициите кои се реализираат во државата, особено во индустријата, инфраструктурата и технолошко-индустриските зони, но и на политиките на владата за меки кредити кон стопанството и успешниот план за раст. Во моментов имаме договорени 17 инвестиции во ТИРЗ зоните, кои во наредниот период треба да донесат околу 5.000 нови работни места – вели Стојановски.

Според него, трендот на отворање нови работни места ќе продолжи и во наредниот период и додава дека паралелно со растот на вработеноста, се намалува и невработеноста.

-Според последните податоци, стапката на невработеност е намалена на 11,4%, што е значително подобрување во однос на претходните години. Со други зборови, имаме повеќе луѓе кои работат, повеќе инвестиции во економијата и постепено намалување на невработеноста.Нашата цел останува јасна – да продолжиме со политики кои носат инвестиции, отвораат нови работни места и создаваат стабилна економија во која граѓаните ќе имаат сигурност и перспектива- рече Стојановски.

Тој најави дека владата ќе продолжи да го поддржуваа стопанството, со нови инвестиции и со мерки кои ќе придонесат за уште поголема вработеност и економски раст.