Во финалето на Австралија Опен, светската тенисерка број еден Арина Сабаленка ќе се соочи со Елена Рибакина (Казахстан)

Топ Вести - Слушај сега

Во финалето на Австралија Опен, светската тенисерка број еден Арина Сабаленка ќе се соочи со Елена Рибакина (Казахстан).

- Advertisement -

Белоруската тенисерка Арина Сабаленка претпладнево ја победи Украинката Елина Свитолина во два сета во полуфиналето на Австралија опен.

Мечот траеше 1 час и 17 минути и заврши со резултат 6:2 и 6:3.

За време на натпреварот, Сабаленка не сервираше ас, направи една двојна грешка и реализираше четири од седум брејк топки.

Свитолина имаше два ас-сервиса, три двојни грешки и реализираше една од четирите брејк топки.

Казахстанската тенисерка Елена Рибакина попладнево ја победи Американката Џесика Пегула во полуфиналето на Австралија Опен 2026 со 6:3 и 7:6 (9:7).

Натпреварот траеше 1 час и 42 минути. Рибакина сервираше шест аса и реализираше четири од 10 брејк топки. Пегула имаше два аса и реализираше три од четири брејк топки.

Двете тенисерки претходно се сретнаа во финалето на Австралија Опен 2023, каде што Рибакина загуби од Сабаленка со 6:4, 3:6 и 4:6.

Утре на Австралија опен се машките полуфиналиња, а женското финале на програмата е в сабота.