Владата на Данска објави дека првпат ќе купи прецизно оружје со долг дострел, со цел да ги зајакне одбранбените капацитети, бидејќи руската закана долго време ќе биде присутна во Европа.
– Русија ќе претставува закана по Данска и по Европа долги години. Благодарение на ова оружје, данската одбрана ќе може да гаѓа цели на големи растојанија и на пример да неутрализира непријателски ракетни закани – изјави данската премиерка Мете Фредериксен.
Според неа тоа „ќе претставува промена на парадигмата во данската одбранбена политика“.
Данска минатата недела најави дека ќе набави осум системи за противвоздушна одбрана со долг и среден дострел од европски производители.
