(Видео) Како сведокот Глигор Поцев од случајот за уништување опрема на ДБК доби владин договор тежок од 9 милиони?
Глигор Поцев, еден од двајцата сопственици на фирмата „Дигитал Оне”, кој беше сведок во скандалозниот случај „Таргет Тврдина” за уништувањето на опремата за прислушување на поранешната Дирекција за безбедност и контраразузнавање (ДБК), потпишал рамковна спогодба со Владата на Република Северна Македонија за софтверски лиценци за виртуелна платформа во вредност од над 9 милиони евра.
Оваа информација ја соопшти СДСМ на денешната прес-конференција, истакнувајќи го спорниот профил на Поцев, кој порано бил дел од тимот на Сашо Мијалков во ДБК.
Случајот „Таргет Тврдина” се однесува на обвиненијата за намерно уништување на опрема за прислушување по политичката криза од 2015 година, кога избувна скандалот со масовното незаконско следење на граѓаните. Поцев фигурираше како сведок во овој предмет, што сега го става во центарот на вниманието заради неговата деловна соработка со државата.
Според СДСМ, прашањето што се наметнува е дали е соодветно лице кое имало врски со контроверзните структури на поранешната ДБК да биде договорен партнер на Владата во толку значаен и финансиски обемен проект.
Од Владата засега нема официјален коментар по однос на овие наводи, ниту детали за самиот договор и процедурата по која бил склучен.
.
ЗА НАС
ОhridSky е ваш доверлив извор за сеопфатно и избалансирано покривање на вестите. Со посветеност на интегритет и точност, обезбедуваме длабинско известување кое ги открива приказните што се најважни.
Links
© 2025 OhridSky. Сите права задржани.
