Утрово Камчатка ја погоди земјотрес со интензитет од 6,8 степени според Рихтеровата скала, со епицентар во Тихиот Океан, на 279 километри од главниот град на тој руски регион, Петропавловск-Камчатски.
Регионалниот штаб на Министерството за вонредни ситуации објави дека цунами може да се приближи до регионот, а според пресметките на Центарот за следење и предупредување од цунами на Камчатка, можно е да погоди неколку региони, пренесува РИА Новости.
И покрај ниската висина на брановите, на граѓаните им беше советувано да се држат подалеку од брегот, а насоки добија и бродовите во крајбрежните води, кои стојат на отворено или во залив со широк влез и на сидришта.
На 30 јули, Камчатка го доживеа најсилниот земјотрес од 1952 година, со магнитуда од 8,8 степени.
