Уапсени се двајца разбојници во Скопје, кои се спречени при обид за разбојништво во маркет во Чаир

Уапсени се двајца разбојници во Скопје, кои се спречени при обид за разбојништво во маркет во Чаир, соопшти полицијата.

„Денеска (6.9.2025 година) полициски службеници од СВР Скопје ги лишија од слобода А.Х. (23) и Е.А. (19), кои насилно влегле во маркет на улицата Џон Кенеди во Скопје, на територија на Чаир и се обиделе да извршат разбојништво. Во 4.52 часот во СВР Скопје е пријавено дека 3 машки лица насилно влегуваат во маркетот, по што веднаш се преземени соодветни мерки и активности од полициските службеници од Единицата за интервентна полиција и од ПС Бит Пазар“, соопшти полицијата.

Откако ги виделе полициските службеници, лицата почнале да бегаат.

- Advertisement -

„Еден полициски службеник испукал еден предупредувачки истрел во воздух. По преземените мерки, од слобода се лишени А.Х. и Е.А., а за едно лице се преземаат мерки за пронаоѓање. По целосно расчистување и документирање на случајот, ќе бидат поднесени соодветни поднесоци“, се вели во соопштението од полицијата.