УАПСЕНА Е ЖЕНАТА КОЈА СО „ЦИТРОЕН“ УДРИ ВО ПЕШАК И ПОБЕГНА

На 31.01.2025 во 17.30 часот во Скопје од страна на полициски службеници од СВР Скопје е пронајдена и лишена од слобода С.В.М.(42), затоа што на 31.01.2025 околу 14 часот на крстосница од булеварот Кузман Јосифоски Питу и улицата Бојмија со патничко моторно возило „цитроен” удрила во пешакот А.М. (38) од Скопје и го напуштила местото на настанот без да укаже помош на повредениот, информира МВР.

Повредениот пешак со возило на Итна медицинска помош бил пренесен во Комплекс клиники „Мајка Тереза” каде му се констатирани телесни повреди.

„По наредба на јавен обвинител С.В.М. е задржана во полициска станица и против неа ќе биде поднесена кривична пријава по брза постапка“, се наведува во соопштението.