Уапсен 54-годишниот скопјанец кој го скрши стаклото

Полицијата го приведе 54-годишниот Ш.А. од Скопје, осомничен дека го оштетил стаклото на влезната врата на Амбасадата на Република Бугарија во Скопје.

Инцидентот се случил вчера, а по пријавата, полициски екипи започнале потрага по сторителот. Денеска напладне, околу 12:40 часот, осомничениот бил пронајден и уапсен на улицата Кирил и Методиј во центарот на Скопје.

Од Министерството за внатрешни работи информираат дека по целосно документирање на случајот ќе биде поднесена соодветна кривична пријава. Засега не се соопштуваат дополнителни детали за мотивите на инцидентот.

- Advertisement -