ЦРВЕН КАРТОН ЗА ВРСНИЧКОТО НАСИЛСТВО
„Борбата против врсничкото насилство и агресивното однесување меѓу најмладите мора да биде поефикасна. Таа мора да почнува од секој родител, дом и од секоја општествено одговорна асоцијација, институција или здружение“, ова беше заклучено на дебатата „Црвен картон за врсничкото насилство“ што ја организира Интернационалната полициска асоцијација- ИПА Охрид со поддршка на Локалната Власт.
Претседателот на Советот на Општина Охрид, Перчо Божиноски се заблагодари на организаторите на настанот укажувајжи дека Општината секогаш ќе има слух и активно во рамки на своите надлежности ќе се вклучува во решавање на овој проблем.
– Врсничкото насилство е проблем пред кој не смее да затвораме очи или да го игнорираме. Големиот број на инволвирани институции доволно кажува за сериозноста на проблемот и сите треба да учествуваме во негово решавање, а не игнорирање. Општината дава максимална поддршка во се што е во насока на правилен раст и развој на нашите деца– рече Божиноски.
Претседателот на ИПА Охрид, Стефан Димоски со конкретни примери и бројки учажа на постоење на насилство и агресивно однесување од и кон младите охриѓанчиња што е исклучително загрижувачки факт.
– Борбата против врсничкото насилство и агресивно однесување меѓу најмладите , треба да ја водиме сите заедно, заради намалување на сите манифестации на насилство помеѓу учениците како крајно штетни и опасни појави кај младите но и да покажеме цврста определба, дека лично и институционално, енергично и бескомпромисно ќе ја водиме и навремено и законски ќе реагираме во сите случаи на агресивно и насилничко однесување помеѓу младите но и кон младите, што претставува голем, личен, семеен и општествен проблем- подвлече Димоски.
Предавач на трибината „Црвен картон за врсничкото насилство“ беше академик Љупчо Кеверески кој зборуваше на тема Емпатија и ЕМПАТИПЛУС-СР, како нов модел за превенција на врсничкото насилство
– Најчесто кај нас проблемот со насилството од и над младите е резултат на задоцнети интервенции, превенција после интервенција, психолошко „маскирање“, институционална дефокусираност, институционални „парадокси“, пат на психолошкиот имунитет на младите, ерозија на емпатија – посочи Кеверески
На настанот покрај Претседателот на Советот на Општина Охрид присуствуваа и активни и пензионирани полициски службеници, претставници од Општинскиот Совет за превенција на детско претстапништво, претставници на образовни центри од Охрид и Струга, судско – обвинителски инстанци, адвокати за малолетници од Центарот за социјални Работи и други институции од Охрид и Струга.
ЗА НАС
ОhridSky е ваш доверлив извор за сеопфатно и избалансирано покривање на вестите. Со посветеност на интегритет и точност, обезбедуваме длабинско известување кое ги открива приказните што се најважни.
Links
© 2025 OhridSky. Сите права задржани.
