Целосно расчистување на дивата депонија во с. Грко Поле

Денес спроведуваме акција за отстранување на насип од над 300 m² отпад. Ова е само една од многуте локации што ги идентификувавме и влегува во нашиот план за чистење на сите диви депонии низ општината.

 Да бидеме одговорни – заедно!

Како локална самоуправа инвестираме во почиста и уредна животна средина, но успехот е можен само ако сите заедно бидеме внимателни. Апелираме до граѓаните:

• внимавајте каде го фрлате вашиот отпад и шут,

• пријавувајте несовесно однесување,

• заштитете ја природата што ни е доверена.

 Нашата визија – чиста и зелена Дебрца

Целта ни е Дебрца да стане препознатлива како примерна, еколошки свесна општина, каде што грижата за околината е заедничка вредност.

 Продолжуваме чекор по чекор

Активностите продолжуваат и на другите критични точки. Чекор по чекор да ја вратиме вистинската убавина на нашата општина.