Трамп реагираше на укинувањето на царините

Топ Вести - Слушај сега

Американскиот претседател Доналд Трамп реагираше на одлуката на Врховниот суд да ги укине неговите царини, нарекувајќи ја „срамна“, јави Би-Би-Си.

- Advertisement -

Тој ја даде оваа забелешка додека зборуваше на состанок со државните гувернери рано утрово, изјавил извор за британскиот медиум.

Сè уште нема официјална реакција од Трамп, ниту од претставници на Белата куќа.

Врховниот суд на САД денеска го блокираше Трамп во користењето на законот за вонредни состојби за еднострано воведување сеопфатни царини за повеќето трговски партнери на САД.

Како што јави Фокс Њуз, со ова му е нанесен удар на претседателот „во случај фокусиран на една од неговите клучни економски политики – онаа што тој ја карактеризираше како прашање на ’живот или смрт‘ за американската економија“.

Со одлука од 6 спрема 3, судиите ги поништија царините на Трамп.