Трамп размислува за прекласификација на марихуаната во помалку опасна категорија дрога

Претседателот на САД, Доналд Трамп, ја разгледува можноста за прекласифицирање на марихуаната во помалку опасна категорија на дрога, објави весникот „Волстрит џурнал“, повикувајќи се на извори.

Според весникот, Трамп им рекол на присутните на собирање средства во неговиот голф клуб во Њу Џерси, каде што вечерата чинела милион долари по лице, дека е „заинтересиран“ за промената.

Меѓу гостите била и Ким Риверс, извршен директор на „Трулив“, една од најголемите американски компании за канабис, која го повикала Трамп да ја направи промената и да дозволи повеќе истражувања за нејзината медицинска употреба, објави весникот.