Трамп пак го спомна најголемиот остров на светот

„Ние силно го поддржуваме вашето право да ја одредите сопствената иднина, и ако сакате, ви посакуваме добредојде во Соединетите Американски Држави“.

Вака им се обрати американскиот претседател Доналд Трамп на граѓаните на Гренланд за време на својот говор во Конгресот. Тој рече и дека неговата администрација „работи со сите вклучени“ за да се обиде да го добие најголемиот остров во светот, пренесе Ројтерс.

– Мислам дека ќе го добиеме, на еден или на друг начин, ќе го добиеме.

- Advertisement -

Интересот на Трамп за Гренланд го поттикна движењето за независност на таа земја, предизвикувајќи повици за брзи дискусии за отцепување со Данска, нејзиниот поранешен колонијален владетел.

Но, владејачката партија Инуити Атакатигиит во Гренланд рече дека нема да избрзува со гласањето за независност по општите избори на 11 март, предупредувајќи за можните економски и благосостојба импликации.

Данскиот министер за надворешни работи Ларс Локе Расмусен изјави денеска дека е „значајно“ што Трамп го признал правото на Гренланд на самоопределување.

– Трамп рече дека го почитува правото на Гренланд на самоопределување и мислам дека тоа е најважниот дел од неговиот говор – рече Расмусен на прес-конференција во Хелсинки, пренесе Асошиејтед Прес(АП).

Данската амбасадорка во Обединетите Нации Кристина Маркус Ласен за новинарите во понеделникот рече дека за иднината на Гренланд навистина треба да одлучи народот на Гренланд.

Таа рече и дека  Данска се согласила со администрацијата на Трамп дека во сегашното геополитичко опкружување има потреба од натамошно зајакнување на безбедноста околу Арктикот и „тоа е нешто на што работиме заедно со НАТО и САД некое време“.