Трамп најави дека САД ќе ги одбранат Полска и балтичките земји од Русија

Американскиот претседател Доналд Трамп објави дека земјата ќе ги брани Полска и балтичките држави доколку Русија ги зголеми своите воени активности во нивниот регион.

Трамп го објави ова два дена по навлегувањето на три руски борбени авиони МиГ-31 во естонскиот воздушен простор.

– Не ни се допаѓа ова – изјави Трамп.

- Advertisement -

На новинарско прашање дали ќе „помогне во одбраната на Полска и балтичките држави ако Русија продолжи да ја ескалира ситуацијата“, Трамп одговори: „ќе го сторам тоа“.

Сојузниците на НАТО треба да се состанат на почетокот од следната недела откако Естонија побара консултации според Член 4 од договорот на алијансата во врска со пријавените руски нарушувања на нејзиниот воздушен простор во петокот.

Според естонската војска, три руски борбени авиони влегле во воздушниот простор на земјата без овластување 12 минути. Русија ги отфрли овие обвинувања.

Недела претходно, ноќта меѓу 9 и 10 септември, полската војска во соработка со НАТО сојузниците соборија 19 руски дронови кои влегоа во воздушниот простор на Полска.

Трамп тогаш изјави дека упадот на руските беспилотни летала „можеби е грешка“.

Авионите за пресретнување на руските натрапници потоа ги испрати Италија, која има мисија на балтичка воздушна полиција во НАТО, како и Шведска и Финска.

Министерството за надворешни работи на Естонија денес објави дека утре во Њујорк, на барање на таа земја, ќе се одржи вонреден состанок на Советот за безбедност на Обединетите нации во врска со ова прашање.

Во ноќта помеѓу 9 и 10 септември, авионите на НАТО соборија руски беспилотни летала над Полска, што Трамп го оцени како „можеби тоа била грешка“.