Трамп ги разбуди стравовите во Отава

Топ Вести - Слушај сега

Канадската влада развила симулациски модел за потенцијален американски напад, откако Доналд Трамп неколку пати јавно сугерирал дека Канада треба да стане „51-ва држава“. Според „Телеграф“, сценариото предвидува примена на неконвенционално војување, базирано на искуствата на авганистанските муџахедини против САД.

- Advertisement -

Генералите процениле дека армијата со 71.500 активни војници и 30.000 резервисти нема шанса во директен судир со американската сила од 2,8 милиони луѓе.

Наместо тоа, Канада би се потпирала на герилски операции, саботажи и беспилотни летала — со цел да им нанесе што поголеми загуби на американските трупи.

Два дена се доволни за окупација?

Во извештајот се наведува дека американската армија би можела да ја совлада канадската за само 2 дена, по што би следел долготраен отпор во стилот на авганистанските бунтови.

Генералот Џени Карињан најавила создавање резервна сила од 400.000 доброволци, додека висок безбедносен извор проценил дека Отава би имала најмногу 3 месеци за подготовка од моментот на првите индикатори за американско движење кон север.

И Америка нема доволно војници?

Иако експертите сметаат дека реална инвазија е малку веројатна, симулацијата покажува дека Вашингтон веќе не се перципира како неприкосновен сојузник. Пензионираниот генерал Мајк Деј изјавил дека „дури и Америка нема доволно војници за да ја окупира цела Канада“.

Дупка на Запад, царини за „сојузната држава“

Паралелно, во Отава расте загриженоста поради геополитичките ставови на Трамп, човекот кој во 2025 година воведе 35% царина кон Канада, а потоа иронично изјави дека „Канада би била подобро управувана како сојузна држава“.

Новиот премиер Марк Карни предупредил дека „се отвора пукнатина во западниот сојуз и во самиот светски поредок“.