Трагичен крај за познатиот Феликс Баумгартнер

Феликс Баумгартнер (56), легендарниот екстремен спортист познат по скокањето од работ на вселената, загина во несреќа со параглајдинг на италијанскиот јадрански брег, објави РАИ. Несреќата се случила во близина на градот Порто Сант’Елпидио, а неговото тело е пронајдено во хотелски базен.

Според италијанските медиуми, трагедијата се случила околу 16 часот кога Баумгартнер ја изгубил контролата врз својот параглајдер, наводно му се слошило за време на летот, а потоа паднал во базен.

За време на фаталната несреќа, леталото на Баумгартнер удрил и во млада жена, која била повредена, но за среќа не сериозно, објавува Кориере. Според првичните извештаи, Баумгартнер бил мртов во моментот на ударот.

- Advertisement -

Била повикана брза помош за да го однесат во болница во Анкона, но екстремниот спортист починал пред дури и да може да се качи на хеликоптер.

Феликс Баумгартнер ќе биде запаметен по неговиот историски подвиг на 14 октомври 2012 година, кога скокна од капсула со балон во стратосферата од надморска височина од речиси 39.000 метри. За време на слободниот пад, тој ја проби звучната бариера, станувајќи првиот човек што ја надмина брзината на звукот без помош на возило, достигнувајќи брзина од 1.357,6 км/ч.

Тој скок влезе во историјата како рекорд за највисок скок со падобран со човек, највисок слободен пад и најбрз слободен пад некогаш забележан.