Тиктокерот Кан стана вирален откако ја интервјуирал Џенифер Лопез на улица, а тоа што привлече најголемо внимание не била самата средба со познатата пејачка и актерка, туку фактот дека тој не ја препознал

Тиктокерот Кан стана вирален откако ја интервјуирал Џенифер Лопез на улица, а тоа што привлече најголемо внимание не била самата средба со познатата пејачка и актерка, туку фактот дека тој не ја препознал.

Ја прашал како се вика

Додека поминувал покрај неа, инфлуенсерот спонтано ѝ упатил комплименти за нејзиниот стил на облекување, а потоа ја запрел и ја прашал со што се занимава. Таа за момент се изненадила пред да одговори дека е пејачка и забавувачка. Секако, корисниците на Тик-Ток забележале колку пејачката била збунета во тој момент.

Сите детали од оваа средба биле објавени во видео кое е прегледано речиси 10 милиони пати, а тиктокерот ѝ поставил уште неколку прашања на Лопез. Освен што ја прашал со што се занимава, тој ја прашал и како се вика, што уште повеќе ја изненадило пејачката.

- Advertisement -

Инфлуенсерот потоа ја прашал Џенифер што е она што го сака во нејзината работа, а таа одговорила дека сака сè што е поврзано со работата. Меѓутоа интервјуто не завршило тука – следното прашање беше што ја мотивирало да избере таков пат во кариерата.

– Едноставно тоа е нешто што морав да го направам – одговорила Лопез.

Потоа зборувале и за самодоверба, а Џеј Ло ги споделила своите совети.

На крајот од интервјуто, тиктокерот ја прашал Џенифер кој е најдобриот совет што некогаш го добила, а таа откри дека нејзината мајка ѝ велела: „Работи напорно и биди добра личност“.

Минувачите ја поздравувале

На многумина им беше смешно што во еден момент покрај нив поминале девојки кои го извикувале нејзиното име, а таа со насмевка ги поздравила. Но, ниту во тој момент тиктокерот не претпоставил дека станува збор за голема ѕвезда.

Во коментарите под видеото настана голема дискусија – едни коментираа дека е очигледно дека тиктокерот само се преправал и имал намера да ја испровоцира, а други застанаа во негова одбрана. „Можеби човекот навистина не знае која е таа“, напишал еден корисник.

„Овој тип го тестира нејзиното трпение. Навистина таа многу се потруди да биде учтива“, „Беше изненадена, но сепак го продолжи разговорот“, „Нејзиниот говор на телото вели дека е многу навредена“, „За 2 минути ѝ го сруши егото“, „Ова е најдоброто нешто што сум го гледал во изминатиот период“, беа само дел од коментарите.