Талиа Балсам има успешна актерска кариера и е во брак со Џон Слатери

Во свет каде што убавината често се мери со годините, една холивудска дама докажува дека времето може да биде сојузник. Неодамна блескаше на црвениот тепих, привлекувајќи внимание како штотуку да зачекорила во центарот на вниманието. Тоа е актерката Талиа Балсам, првата сопруга на Џорџ Клуни.

Неодамна, Талиа Балсам, која ја видовме во серијата на HBO „Развод“, се појави во Музејот на модерна уметност на проекција на филм со нејзиниот сопруг, ѕвездата на „Mad Men“, Џон Слатери.

Вљубениот пар изгледаше беспрекорно облечен, а Талиа Балсам привлече внимание како што може само вистинска холивудска убавица. Децении по нејзиниот краток брак со Џорџ Клуни, таа изгради успешна актерска кариера и сопствен живот под рефлекторите.

Љубовната приказна на Џорџ Клуни и Талиа Балсам

- Advertisement -

Џорџ Клуни и Талиа Балсам првпат се запознале во 1984 година додека глумеле заедно во претстава. Тие се венчале во Лас Вегас во декември 1989 година, по пет години врска. Многумина ја опишуваат како многу спонтана венчавка. Тој имал само 23 години, а таа била две години постара.

За жал, по само четири години се разведоа (1993), а Џорџ Клуни во тоа време изјави дека никогаш повеќе нема да се жени.

Тој се сети на овој брак неколку години подоцна.

– Веројатно, всушност, дефинитивно не бев личноста што требаше да се жени во тоа време. Не мислам дека ѝ дадов вистинска шанса на Талија. Јас бев одговорен за неуспехот на тој брак – рече тој.

Која е Талиа Балсам?

Талиа Балсам е ќерка на актерот добитник на Оскар, Мартин Балсам, и на актерката Џојс Ван Патен, која и самата потекнува од шоубизнис семејство. Таа пораснала опкружена со актерски таленти и рано се вљубила во овој занает.

Клуни се обидуваше да се етаблира како сериозен актер, додека 25-годишната Талија само што почнуваше да ја гради својата кариера.
Талиа Балсам подоцна изгради стабилна телевизиска кариера – таа ја играше Мона Стерлинг во серијата Mad Men од 2007 до 2014 година, а во 2012 година го играше ликот на Синтија Волдон во Homeland.

Таа е во брак со Џон Слатери од 1998 година и имаат еден син, Хари.

Џон Слатери го гледаме во бројни остварувања како што се „Насмевката на Мона Лиза“, „Ајронмен 2“, „Капетан Америка“, „Вил и Грејс“, но најпозна е по серијата „Очајни домаќинки“ во која го играше Виктор Ланг.