Сендвич долг 90 метри беше подготвен на 20-тиот годишен фестивал на сендвичи што се одржа во главниот град Мексико Сити, поставувајќи нов рекорд.
Работници од бројни локални и меѓународни ресторани и продавници специјализирани за традиционални мексикански сендвичи учествуваа во подготовката на овој кулинарски потфат.
Огромниот сендвич тежеше речиси еден тон, а посетителите на фестивалот имаа можност бесплатно да пробаат порција од овој џиновски сендвич.
Организаторите го срушија сопствениот рекорд и прославија две децении од фестивалот што го слави еден од најомилените мексикански специјалитети на спектакуларен начин.
Фестивалот првично се викаше „Фериа де ла Торта“, а тортата е вид сендвич во Мексико.
