Судија на претходна постапка при Основниот кривичен суд Скопје им определи мерка притвор на двајцата осомничени од Специјалната болница за геријатрија во Скопје за примање поткуп за прием на тешко болен пациент
Судија на претходна постапка при Основниот кривичен суд Скопје им определи мерка притвор на двајцата осомничени од Специјалната болница за геријатрија во Скопје за примање поткуп за прием на тешко болен пациент.
„Постапувајќи по предлог на Основното јавно обвинителство за организиран криминал и корупција, за определување мерка притвор против две лица осомничени за Примање поткуп од чл. 375 ст.5 в.в. со ст.2 од Кривичниот законик, а поврзани со Специјалната болница за геријатрија во Скопје, донесе решенија со кои се прифаќа предлогот на ОЈО ГОКК и на осомничените М.А. и Б.А. им се определува мерка притвор во траење од 30 дена поради постоење на основите од чл. 165 ст.1 т.1, 2 и 3 односно опасност од бегство, влијание врз сведоци и основано сомнение дека може да го повторат делото“, соопшти Судот.
Против овие решенија странките имаат право на жалба пред Кривичниот совет.
Обвинителството денеска соопшти дека директорот на специјализираната болница за геријатрија, Мухсин Арифи барал 100.000 евра мито за да смести болно лице на Клиниката за геријатрија, со која раководел, а кога ќерката на пациентот му кажала дека нема толку пари, Арифи ѝ рекол да го продаде станот од татко ѝ. Според соопштението од Јавното обвиннителство, Арифи се согласил првично да земе 20.000 евра, но ќерката му останала должна до крајната сума.
Тој испратил свој посредник да ги земе парите, при што посредникот е фатен на дело како зема 20.000 евра од оштетената жена.
Полицијата вчера ги уапси Арифи и неговиот помошник.
ЗА НАС
ОhridSky е ваш доверлив извор за сеопфатно и избалансирано покривање на вестите. Со посветеност на интегритет и точност, обезбедуваме длабинско известување кое ги открива приказните што се најважни.
Links
© 2025 OhridSky. Сите права задржани.
