Страшна експлозија што уништи голем дел од станбена зграда го потресе романскиот главен град Букурешт утрово

Страшна експлозија што уништи голем дел од станбена зграда го потресе романскиот главен град Букурешт утрово.

Властите објавија дека има двајца мртви и повеќе повредени.

На социјалните мрежи се појави видео од моментот на експлозијата, снимен од надзорна камера во продавница. Се гледаат две жени во продавницата, како и маж кој стои надвор. Во моментот кога од силата на ударниот бран се слушнала силна експлозија, стока паднала од полиците, а две жени истрчале надвор во паника.

- Advertisement -

Според романските медиуми, станбената зграда каде што се случила експлозијата била евакуирана, а на граѓаните што живеат во најтешко оштетената зграда им било кажано да не се обидуваат да влезат во неа под никакви околности, бидејќи постои опасност зградата да се урне.

На терен се полицијата и спасувачките служби. Евакуираните луѓе седат пред зградата, видно потресени.

Од видеата се гледа дека експлозијата била разорна. Освен зградата во која се случила, уништени се и прозорци на становите од зградата отспротива.