СОС БАЛКАН МЕДИА Охрид со рекордна донаторска акција и хуманитарен ангажман во 2025 година

Топ Вести - Слушај сега

Годинава што измина за СОС БАЛКАН МЕДИА Охрид беше исполнета со предизвици. Организацијата оствари над 10 донаторски акции во склоп на проектот „И ние можеме, насмевка за секое дете”, со посебен акцент на централната акција на 19-ти декември (Свети Никола) со најголемата донаторска акција во историјата на Македонија.

- Advertisement -

Акцијата се одржа на градскиот плоштад „Свети Климент Охридски” во Охрид со поддршка на Општина Охрид, но и за прв пат во историјата на Македонија со МПЦ ОА Дебарско-Кичевска Епархија, во присуство на Митрополит Ѓоргиј.

За прв пат во историјата на Општина Дебарца, СОС БАЛКАН МЕДИА Охрид на Свети Никола приреди донаторска акција со Дедо Мраз за сите деца од Општина Дебарца. Манифестацијата се одржа во ОУ „Дебарца” село Белчиште, во присуство на градоначалникот Златко Силјаноски.

Организацијата беше покровител на Дедо Мраз и во Општина Ресен, каде обезбеди новогодишни пакетчиња за сите деца од градинките и од училиштата во Општина Ресен. Посетени се сите центри на лица со попреченост и таму се донирани подароци, како што се донирани и на спортски клубови, игроорни групи и музичкото училиште Методи Патче во Охрид, како и здравствени установи.

За Свети Никола се донирани 100 хуманитарни пакети со прехрамбени продукти и средства за лична хигиена.

Апел за социјална инклузија на лицата со попреченост

СОС БАЛКАН МЕДИА Охрид упатува заложба кон сите локални самоуправи и Владата на РСМ за решавање на социјалната инклузија на лицата со попреченост, со посебен акцент на обезбедување на потребна инфраструктура за пристап на лицата со попреченост.

Последните дејствија за поставување на пристапни рампи и спуштање на тротоари ги направи СОС БАЛКАН МЕДИА во 2022 година, кога на институции во Македонија донираше пристапни рампи. Од тогаш до денес не само што ништо не е направено, туку и донираните пристапни рампи не се одржуваат. Ист е случајот со две пристапни рампи за во вода кои ги дониравме на два угостителски објекти во Охрид.

СОС БАЛКАН МЕДИА Охрид најавува дека хуманитарниот ангажман продолжува и во 2026 година. Организацијата се заблагодарува искрено на своите партнери од бизнис заедницата кои со години ја препознаваат како невладина организација со јасна примарна цел и несебично соработуваат.