Снимките покажуваат нова војска, писти и хангари во 4 клучни бази

Русија распоредува војска шатори, пистии хангари на границата со Финска, покажуваат нови сателитски снимки, пренесува Хелсинки тајмс, цитигирајќи ги мислењата на аналитичарите за неколку клучни бази на меѓата на двете земји.

Снимките ги објави шведската телевизија СВТ. Тие покажуваат интензивна активност на четири локации: Каменка на Карелискиот истмус, Петрозаводск, Североморск-2 и Олења. Според проценките, Русија го зголемува своето воено присуство во регионот како одговор на влегувањето на Финска и Шведска во НАТО.

Од февруари 2025 година, повеќе од 130 воени шатори се поставени во Каменка, на само 60 километри од финската граница. Областа, која беше целосно празна во 2022 година, сега, според проценките, може да прими до 2.000 војници.

- Advertisement -

Во Петрозаводск, на околу 175 километри од границата, изградени се три големи складишни сали, секоја со капацитет за приближно 50 оклопни возила. Четвртиот објект е во изградба. Аналитичарите се сомневаат дека целта на овие објекти би можела да биде прикривање на вистинскиот број на распоредени возила.

Понатаму на север, над Арктичкиот круг, се реновира поранешната воздухопловна база Североморск-2. На пистата веќе се видливи хеликоптери, а се верува дека пистата се подготвува и за борбени авиони со фиксни крила.

Нова активност е пријавена и во воздухопловната база Олења, од која дејствуваат руски стратешки бомбардери. Според украински извори, бомбардерите од Олена се користат за напади врз украински цели.

Шефот на шведската армија, Михаел Клаесон, изјави дека овие случувања се потврда за она што Русија го најави како „воено-технички одговор“ на проширувањето на НАТО.

– Кога аплициравме за членство во НАТО, Русија рече дека ќе преземат одредени мерки. Сега гледаме дека ги спроведуваат – изјави Клаесон.