Смртта на Викторија Џонс била несреќен случај

- Advertisement -

Канцеларијата на главниот судски испитувач во Сан Франциско на 17 февруари објави дека Викторија Џонс починала од „токсични ефекти на кокаин“ и дека начинот на нејзината смрт бил „несреќа“.

Труењето со кокаин е предизвикано од прекумерна употреба на кокаин и може да потрае од неколку минути до часови за да се развие, според медицинското списание BMJ. Симптомите вклучуваат забрзан пулс, зголемен крвен притисок, опасно висока телесна температура, прекумерно потење, проширени зеници и промени во расположението.

Аудиозапис од повикот до итната помош на 1 јануари покажува дека, најверојатно, се предозирала со дрога. Пожарната служба потврди дека екипите одговориле на повикот околу 2.52 наутро за итна медицинска ситуација. Повикот бил класифициран под „шифра 3 за предозирање, промена на боја“. Кога била потврдена смртта, нејзиното семејство јавно замолило да се почитува нивната жалост.

Во времето на нејзината смрт, претставник на хотелскиот синџир Фермонт изјави дека соработуваат со властите за време на истрагата.

– Длабоко сме ожалостени од инцидентот што се случи во хотелот на 1 јануари 2026 година. Нашето искрено сочувство е со семејството и најблиските во ова многу тешко време – изјави тогаш директорката за односи со јавност на хотелите и одморалиштата Фермонт, Мишел Хестон.

Според IMDB, Викторија Џонс била актерка која имала мали улога покрај нејзиниот татко во неговите филмови „Men in Black II“, „The Homesman“ и „The Three Burials of Melquiades Estrada“. Таа се појавила и во епизода од 2005 година од серијата „One Tree Hill“.