Сликите од запуштениот дом на пропаднатиот холивудски убавец откриваат вести за неговата тажна судбина

Топ Вести - Слушај сега

Поранешниот холивудски заводник и актер кој беше номиниран за Оскар, Мики Рурк, сега се соочува со тешка животна ситуација што ја шокираше јавноста.

- Advertisement -

Фотографиите од неговиот поранешен дом во Лос Анџелес откриваат запуштена слика што малкумина може да ги остави рамнодушни – ѓубре во дворот, расфрлани картонски кутии и поштенско сандаче полно со неотворена пошта и сметки.

Според достапните информации, Рурк бил иселен од својата куќа пред неколку недели поради неплаќање кирија, а наводно должи речиси 60.000 долари. Уште позагрижувачки е фактот дека актерот, според извори кои го знаат случајот, во моментов нема постојана адреса и е практично бездомник или, како што пишува списанието „Star“: Иселен, банкротиран и сè уште одбива помош.

Куќата каде што некогаш живеел сега изгледа целосно напуштена и сè укажува на тоа дека никој не живее таму долго време.

Мики Рурк некогаш беше една од најголемите ѕвезди во Холивуд, а публиката го памети по неговите улоги во филмови како „Девет и пол недели“, „Борачот“ и „Град на гревот“.

Токму неговата улога во „Борачот“ му донесе нова слава и номинација за Оскар, но се чини дека годините успех се претворија во низа лични и финансиски проблеми.

Тој пред само 3 недели објави пост во кој повторува колку е засрамен затоа што некои „загрижени, непознати лица“ собирале пари за него.

– Мојот адвокат прави се што е во негова моќ секој кој дал од своите тешко заработени пари, да ги добие назад – пишува Мики Рурк меѓудругото, очигледно, премногу суетен за да дозволи да му се помогне.