Скијач од Данска бил повреден при лавина на местото Церипашина, на Шар Планина

Топ Вести - Слушај сега

Скијач од Данска бил повреден при лавина на местото Церипашина, на Шар Планина, вчера, соопшти полицијата.

- Advertisement -

Полицијата вчера во 1:50 часот добила пријава за повредено лице на Попова Шапка.

– Екипа од друштво за спортски и други услуги со специјално возило во 16:10 часот го пронашла лицето Ф.М.Л. (24) од Данска, кој, според пријавеното, бил повреден од снежна лавина додека скијал. По укажаната помош, лицето со амбулантно возило е пренесено во приватна болница во Скопје – информира портпаролот на СВР Тетово, Фатмир Реџепи.

Вчера од Националниот парк Шар Планина предупредија на внимателност бидејќи било забележано значително зголемување на лавинската опасност, особено на стрмни падини со источна, југоисточна и јужна експозиција на планината.